四個月，MDRT了✋🏼
由未考牌，到大膽抱住試下嘅心態加入依個行業，擔心自己乜都唔識，唔知點搵客，到正式入職後聽到百萬圓桌MDRT 四個字好似好遙遠嘅距離咁，到依家正式地完成咗。
如果要好官腔地去表達，我會話成件事好夢幻。但切切實實嘅感覺係，我未滿意，亦不將就小成功。由以往工作嘅不穩定 到轉行後收入上頗大嘅落差，做到少少成績後 隨之而來嘅係追求更大嘅願景。我希望之後聽到人講嘅係認同我嘅專業，而唔係問我去唔去「staycation」。
同時見到身邊有啲朋友，明明可以達到更大嘅成就，但偏偏礙於唔肯去嘗試，好可惜。
老土地都想再次多謝教過我、鼓勵過我嘅團隊同事們，幫過我手嘅秘書們，信任我嘅客人們。
今次好想講好多個人嘅真實感受。從憂慮、擔心、試下、定目標、努力做、挫敗、調整、完成，就係我依幾個月嘅經歷，亦會係之後嘅輪迴。但都想藉此鼓勵一下仲猶豫嘅你，只要願意花時間學習同勇於嘗試，事實並無你想像中困難。
Search